Raporto pri la vizito de nia  „E - grupo da lernantoj“ el Forchheim ĉe niaj E - amikoj
en Usti nad Labem  (Aussig an der Elbe) 20. - 23. de majo 2004
 

Nia tre estimata kaj amata instruistino Evelin proponis al ni, viziti niajn E - amikojn en Usti nad Labem; ŝi havas tre bonajn kontaktojn kun Josef Križ el tiu al ni nekonata urbo kaj ankaŭ nekonata regiono; Josef sendis al ni tre bonan kaj detale specifikitan programon pri nia vizito kaj krome decidis Evelin, la tutan vojaĝon inluzive de ĉiuj kromkostoj financi el nia klubkaso. Ni veturis celkonforme per trajno.
Multan dankon al ambaŭ - pro la tre bona ideo kaj pro la bonega plano.

Jam tre frue (07:02) ni sesope ekveturis de la stacidomo en Forchheim; Manfred kaj mi poste en Erlangen envagoniĝis. Survoje ni manĝis nian propran provianton kiel tagmanĝon. Post ŝanĝo de niaj trajnoj en Nürnberg, Marktredwitz kaj Cheb ni atingis Usti nad Labem; tie Josef bonvenigis nin kore kaj akompanis nin al nia hotelo.

Posttagmeze estis ekskurso (per trolejbuso) al la ZOO-ĝardeno en la urbokvartalo Krasne Brezno (Schönpriesen). La tre bela ĝardenaĵo situas sur deklivo de monto; mi estis tre surprizata, kiam mi vidis ĉiam pli malgrandajn aŭ pli grandajn kaĝojn aŭ liberaerajn instalaĵojn kun plej diversaj animaloj. Vespermanĝo kun bongustaj manĝaĵoj de la bohema kuirarto kaj tre bonaj vinoj (ekzemple Müller - Thurgau) kaj bieroj finis la unuan tagon.

Post nia matenmanĝo en proksima bufedo ni veturis per aŭtomobilo de Josef kaj per taksio norden de la urbo al la „Tiske steny“ (Tyssaer Wände) en la „Bohema svisio“ (Böhmische Schweiz); tiu estas belega rokaro el sabloŝtonaj formoj. Post niaj du rondiroj tra kaj ĉirkaŭ la rokaroj ni tagmanĝis bongustan tagmanĝon kaj poste ni vizitis la burgon Štrekov (Schreckenstein) kun tre interesa gvidado en la germana tra la interesaj ĉambroj kaj panoramoj en la Labemvalon. Vespere estis post nia vespermanĝo kun tipaj bohemaj manĝospecialaĵoj renkonto kun kvar klubanoj (ni povis paroli unu kun la alia kaj en Esperanto kaj en la germana) de  la E - grupo el Usti nad Labem; pri ĉi tiu ni tre ĝojis.

La sekvan tagon ni veturis post nia matenmanĝo  - denove kaj per aŭtomobilo de Josef kaj per taksio - nordorienten de la urbo al la Kamenicevalo (Kamnitzschlucht). Niaj travivaĵoj estis tre  diversformaj: Unue migrado, poste veturo tra tre mallarĝa valo sen vojo per pram-ŝipo (forpuŝata per longa stango), poste migrado kaj poste tagmanĝo. Post la tagmanĝo remigrado tra arbaro al la ŝtona raraĵo „Pravcicka pordego“ (Prebischtor) kaj plue al la aŭtoparkejo. Vespere nia grupo estis gasto de la familio Križ - estis bongusta kaj plensufiĉa vespermanĝo kaj bedaŭrinde nia lasta vespero en Usti nad Labem. Nian dankon al la ĉarma edzino!

Post nia matenmanĝo ni promenis malgraŭ pluvo tra la historia parto de la urbocentro kaj post nia tagmanĝo ni adiaŭis de nia kara, de ni ĉiam tre prizorganta gastiganto kaj de la urbo Usti nad Labem. Ĝis la revido! Je la 19:17 ni reestis en Forchheim. Multan dankon ankaŭ al nia Christel, kiu tre konscience administris nian monon.    

Gerhard Klingenhöfer

Erlangen